BALEA ZURIA GARA

BALEA ZURIA abentura bat da, bidaia bat. Duela hamar urte poesia jardunaldi batzuen harira elkartu ziren lau lagun eta poetaren abentura. Argitaletxe bat abian jartzea erabaki dugu, eta BALEA ZURIA izeneko proiektuan itsasoratu gara. Poesiari ate berri bat zabaldu nahi diogu. Galderak egiten jarraitu nahi dugu. Galdetzea azalekoan ainguratuta ez geratzea baita. Galdetzea, ordea, ez da beti erantzunak topatzea. Guk ere ez ditugu oraindik topatu. Egiarekin egiten dugu amets, baina zalantza gara.

Egarri horretatik sortu da argitaletxea. Plazara jalgi gara… Edo, hobe esan, itsasora. Orrialde zuri bat gara, eta letrak ditugu arpoi. Zabalik duzue atea. Zuen proiektua ere bada. Dei gaitzazue “Balea Zuria”…

BALEA ZURIA GARA

BALEA ZURIA abentura bat da, bidaia bat. Duela hamar urte poesia jardunaldi batzuen harira elkartu ziren lau lagun eta poetaren abentura. Argitaletxe bat abian jartzea erabaki dugu, eta BALEA ZURIA izeneko proiektuan itsasoratu gara. Poesiari ate berri bat zabaldu nahi diogu. Galderak egiten jarraitu nahi dugu. Galdetzea azalekoan ainguratuta ez geratzea baita. Galdetzea, ordea, ez da beti erantzunak topatzea. Guk ere ez ditugu oraindik topatu. Egiarekin egiten dugu amets, baina zalantza gara.

Egarri horretatik sortu da argitaletxea. Plazara jalgi gara… Edo, hobe esan, itsasora. Orrialde zuri bat gara, eta letrak ditugu arpoi. Zabalik duzue atea. Zuen proiektua ere bada. Dei gaitzazue “Balea Zuria”…

ARGITALPENAK

POESIA

Argitaletxearen lehen liburua Luis Garderen  Barbaroak baratzean poemarioa da. Garde idazle aski ezaguna da gurean, ibilbide oparoko poeta. Eta, liburu honen kasuan, Luisek apustu arriskatua egin du. Liburu ez ohikoa idatzi du, landua,sinbolismoz betea, erpin askokoa.

IZASKUN GRACIA QUINTANA

Ohe hutsetan

Ohe hutsetan hutsuneari buruzko bariazio sorta bat da, inoiz ez ibilitako bideen bilaketa, loturarik gabeko esaldien gaua. Gordetako hitz asko daude liburuan, orainaldi galdu asko, galerak eta aztarnak, usteldurak eta hotzak. Hizkera propioz idatzia, ez ohiko liburua dakarkigu Izaskun Graciak. Bilatu beharra aldarrikatzen du, jakintzaren mina, arroztasunetik, arrakaletatik. Amaieran hitzik eza geratuko da, oroimenaren huts bete ezina. Ohe bat, ezagutzen ez ditugun logela guztietan.

Karlos Linazasoro

LURRA BERE ERRO GORRIRA

Pello Otxoteko

ITSAS BIZIMINA

Elena Olave

ZELDAK -GORPUTZ HONETATIK-

 

Maixa Zugasti

HOSTOEN HEZURDURA UNATUA

Itxaro Borda

ABARO

SAIL BEREZIAK

Bilduma honetan agertzen diren poetek abian jarri zituzten “Poesia eta Pentsamendua” jardunaldiak 2008an. Geroztik, Donostia Kulturaren babesarekin, urtez urte ospatu dira jardunaldi horiek, eta aurten bete da hamargarren urteurrena. Hori dela eta, ekitaldi berezi bat prestatu nahi izan dute poeta antolatzaileek. Horretarako, Chillida-Lekuren laguntza jaso dute, baita Gipuzkoako Foru Aldundiaren Kultura, Turismo, Gazteria eta Kirol departamentuaren babesa ere.
Liburuan agertzen diren poemak ekitaldi horretan irakurritakoak dira.

Orrialde kopurua: 92
ISBN: 978-84-947263-0-9
Edizio hau ez da salmentarako

PATXI EZKIAGA. Blues bat bizitzari

LURRA ETA DARDARA. Zortzi ahots emakumezko

SAIAKERA

“Urrats urratuak. Xabier Lete gogoan”. Hainbat Egile.

10 urte dira Xabier Lete hil zela. Haren poemek eta kantek, haren lanek eta gogoetek zeresana ematen jarraitzen dute oraindik. Ez da itzali haren argia, justu kontrakoa baizik. Izarren hautsa bezala, biziberritzen ari da etengabe, handitzen doa garrantzian eta sakoneran. Gure klasikoetako bat da, eta gutxitan lortzen den zerbait lortu du: jendearen miresmena eta maitasuna.

Gizakion lana jakintza zela esan zigun Letek, ezagutuz aldatzea. Liburu honek omenaldi berezia egin nahi dio Xabier Leteri, eta ezagutza horren hariari tira egin nahi izan diogu poetaren eta gizakiaren irudi osatu bat eskaintzeko. Guztira, hamar saiakera labur biltzen ditu lan honek, hamar hurbilketa. Horretarako, hamar idazle eta aditu elkartu ditugu: Arantxa Urretabizkaia, Anjel Lertxundi, Juan Kruz Igerabide, Lourdes Otaegi, Itxaro Borda, Inazio Mujika Iraola, Jon Gerediaga, Jon Martin, Alex Gurrutxaga eta Ainhoa Urien.

“Existentziaren aurrean bi jarrera erakutsi zituen nabarmenki Letek: jazarpen bulartsua eta abaildura. Abaildurak gain hartu ziola pentsa liteke (…) baina eraldatu ere egin zitzaion: damua, fedea eta maitasun sakona ageri ziren haren jarreran eta hitzetan”.

AURKIBIDEA

Urruti zegok hura. ANJEL LERTXUNDI                                                            

Ume baten belarriarekin, bost doinu. JUAN KRUZ IGERABIDE                         

Izatetik izatera. Xabier Leteren genealogia literarioaz. LOURDES OTAEGI

«Ni naiz, zauri bat». ITXARO BORDA

Poetak eta mitoak. Xabier Lete. JON GEREDIAGA

Kaliayev eta Antigona. Ohar zenbait Xabier Leteren ikuspegi etikoaz. ALEX GURRUTXAGA

Bianditz gailurraren bestaldean. AINHOA URIEN TELLETXE

Goizetik gauera, Xabier Lete. JON MARTIN

Xabier Leterekin elkarrizketa. ARANTXA URRETABIZKAIA

Eginbehar baten kontzientzia. Xabier Leteren (auto)biografiarako testu osagarriak. INAZIO MUJIKA IRAOLA

.

Felipe Juaristi

ITZULTZEKO ETORRI NAIZ

ITZULPENAK

CHARLES BAUDELAIRE

Gaitzaren Loreak

.

SAFO

Poesia guztia

.

DK POESIA SARIA

2018 DK I

Esti Martinez Díaz de Cerio

2019 DK II

Gorka Salces Alcalde

 

2020 DK III

Lizar Begoña Madariaga

 

2021 DK IV

Maialen Berasategi Catalán

 

EGILEAK

LUIS GARDE IRIARTE

Iruñea, 1961

Filologian lizentziaduna, Donezteben du bizibidea.

Nobela bat (Ehiztariaren isilaldia, 2015, Pamiela Euskadi Literatura Saria jasotakoa) eta zazpi poema liburu argitaratu ditu.

Oihan nabarra (2004, BBK-Euzkaltzaindia), Haize hegoaren aroak (2007, Pamiela), Gertakarien urtzea (2008, Alberdania, Joseba Jaka Beka), Unplugged (2009, Kutxa Fundazioa), Maizter arrotza (2013, Erein), Trenen abiadura (2014, Pamiela), Eremuen birkalifikatzea (2014, Pamiela, Xabier Lete Poesia Saria)

Izaskun Gracia Quintana

Bilbao, 1977

Euskal filologian lizentziatua, itzultzaile eta diseinatzaile bezala egiten du lan, eta artikuluak eta literatur-kritikak idazten ditu hainbat komunikabideetan. Masmédula olerki-argitaletxearen editorea eta sortzailea izan zen.

Harenak dira, Fuegos Fatuos (2003), Eleak eta Beleak (2007), Sacos de humos (2010), Artica/Artikoa (2012), Vacuus (2016) eta Despertar lloviendo (2017) olerki-bildumak, baita Cronicas del encierro ipuin-bilduma (2016) ere.

Haren olerkiak zenbait antalogia eta aldizkaritan argitaratu dituzte. Hainbat jaialditan parte hartu du: Transgeneración 1.0 (2007), Bilbao-Poesía (2010), Pentsamendua eta Poesia (2011,2013), Touch Me! (2014) eta II. encuentro unicelular (2014), eta Anabel Lorca, Zigor Barayazarra, Delphine Salvi eta Leire Urbeltz artista plastikoekin kolaboratu du.

Elena Olave

Durango, 1997

Artearen Historian lizentziatua.

2015eko Elena Azpeitia saria, Ane Inventarium (ipuina sailean, 17-18 urte bitartekoak).

Esti Martinez Díaz de Cerio

Iruñea, 1991

Magisteritza ikasi du eta gaur egun irakasle lanetan dihardu. Idazle eskolan aritu da azkeneko bi urteetan.

2012an Iruñeako Udalak antolatutako egile berrientzako euskarazko XXIII.  literatur lehiaketan aipamena jaso zuen.

2013an Nafarroako Unibertsitate Publikoak antolatutako sormen lehiaketako euskarazko  narratiba sailean lehen saria irabazi zuen.

2015ean Petri Atarabiakoa XXV. literatur saria jaso zuen.

Gorka Salces Alcalde

Portugalete, 1986

Historiako lizentziatura eta masterra bukatu ostean, Berria egunkarian bekadun-erredaktore lanetan aritu zen urtebetez, euskaldunek komunikabideen aurrean dituzten iritziak, ohiturak eta jarrerak aztergai dituen doktore-tesian murgildu aurretk. Gaur egun Historiako irakasle lanetan dihardu bigarren hezkuntzan; eskuetan duzun liburuaren harira jakin dute bere ikasleek idazten duela. 2013an Ermua Hiria literatur lehiaketa irabazi zuen Apirila ñirñirka poemarioarekin, eta orduz geroztk bi bigarren sari jaso ditu Pasaia Hiria (Haize takikardikoa, 2014) eta Hondarribiako Bordari (Ekinokzio bete Gales, 2017) lehiaketetan. Askoz gehiago ditu saritu gabeko lanak. ITU zein Lekore literatur aldizkarietan ere kolaborazioak argitaratu ditu tarteka. Diletantea eta prokrastnatzailea izangatk, infuentzia txarrei esker zenbait egitasmo kulturaletan inplikatzeko plazerra izan du, eta egunotan euskaraz propio sortutako lehen rol jokoa (AtopiaRPG) idazten ari den lan taldean dihardu, proiektuak 2018ko Durangoko Azokako Sormen Beka jaso ostean.

Karlos Linazasoro

Tolosa, 1962

Euskal lilologian lizentziatua. Ogibidez, liburuzaina. Narrazioan, haur literaturan eta poesian aritu da. Besteak bestc, harenak dira honako poesia liburu  hauek:  

Udazkeneko karabana erratua ( 1991), Apunte eta ahanzturak ( 1993), Euriaren eskuak ( 1995), Eguzkia ateri (2001), XX. mendeko poesia kaierak (2002), Inoiz izan ez garenotan (2002), Denbora aleak (2005), Etxe hutsean (2009), Gaur orain da betiko (201o), Hamazazpikolan (2010), Ezer gehiago behear gabe (2012), Zerua beti beherago dago (2016), Todo lo adentro (2018).

Patxi Ezkiaga

Legorreta. 1943 - Irun, 2018

Cambridgeko  eta Oxfordeko  unibertsi­ tateetan burutu zituen literatura ikasketak. Geroago, Historiako lizentziatura eskuratu zuen  Deustuko  Unibertsitatean.  Irakas­kuntza munduan jardun zuen eta Glotodi­daktikan  lan interesgarria  eraman zuen aurrera. Literaturan ia arlo guztiak jorratu zituen,  batez  ere, poesia,  narratiba  eta saiakera. Sari ugari irabazitakoa: Felipe Arrese  Beitia  (1984), Irun  Hiria  (1985, 1986, 1999), Lizardi (1985, 1987), Azkue (1987), Kritikaren Saria (1988, 1997), Jule­ne Azpeitia (1990), Jon Mirande (1991, 1995), Agustin Zubikarai (1998, 1999), besteak beste. Blues bat bizitzari bere lan na­gusien antologia da, bere azken bi poema­ liburu argitaragabeen lagin berezia gehitzen  duelarik.

Pello Otxoteko

Irun, 1970

Bere  lan  gehienak  poesian  argilaratu baditu ere, literatur kritika ela itzulpen­gintzan aritu izan da halaber: Harenak dira Haraindiko begiradaren bila (1999), Itzalaren ñabarduretan (2001), Arnasa galduaren bila (2003), Goizalbaren argitan (2007), Anphora baita (2010) eta Itsas bizimina poema-liburuak. Horiez gain, Albert Galvany sinologoarekin batera, aurrenekoz txinera klasikotik euskarara Li Bai VIII. mendeko txinatar poetaren an­tologia bat argitaratu zuen, Urrutira bidalia (2005).

Azken urteetan Muga (2016) antologia elebiduna, eta Chillidari gorazarre-Elogio a Chillida (2017) hau ere antologia elebidu­na, bi liburuotan parte hartu  du.

Itsas bizimina liburuagatik 2020ko Kritikaren Saria eta 2019ko Lauaxeta sariak eskuratu zituen.

Lizar Begoña

Sopela, 1996

2016 urtean Euskal Herriko Unibertsitatean hasi zituen Arte Ederren ikasketak, Ravennako Akademian (Italia) urtebeteko egonaldiarekin. 2019 urtean Artean graduatua. 2020 urtean Artean eta Sor­kuntzan Masterra burutzen ari da eta BilbaoArten urtebeteko bekarekin dabil lanean.

 

 

 

Itxaro Borda

Baiona, 1959

Idazlea da, poeta eta kronika egilea ere bai, hainbat euskal hedabideetan. Euskal Herriko kantari askorentzat letrak izkiriatu ditu. Herria astekarian hasi zen publikatzen duela kasik mende erdia, eta orduz geroztik ez da sekula gelditu. Maiatz, Susa, Elkar eta Alberdanian plazaratu ditu nobelak, olerki bildumak eta saioak. Bere azken lana, preseski, Susmaezinak (2019) eleberria da, Alberdanian.

 

 

 

 

Info:

Harremanak