2024
84
978-84-126681-7-9
NOVA ORBIS TERRARUM
nola liteke
dena irabazteko izan
eta dena galtzeko beldur hau
Itziar Ugarte Irizar. Etorkizuna
Gosari lorratzek orbainduriko
lau kikara beix
mahai gainetik bezperako ogi mami
sorta duina
kafeontzi italiar bat auhenka
goiz deskafeinatuan
Bi metroz goitiko leiho eskuzabaletatik
argi errainu oparoa
Basquiat-en margolan zolia okerka
gotele zurian
eta bandera ausart bat
balkoitik aldarrika
Hozkailuko erakusleihoan zintzilik
zazpi karentzi
hiru amorante mahai biribilaren
ezbai leunean
eta albo banatan lau gela
bete destorbu
iraultzeko bertan mundu txiki bati
merezi diogun konkista
Arkeologia haragitan poema-liburua aipuz eta irakurketaz ondo hornitua dator, eta trebeki uztartzen du gogoeta eta hizkuntzaren distira. Berezko erritmo eta musika darie poemei, aisa irristatzen dira irakurlearen begietan, eta lan handia dago doitze horren atzetik. Leku-ez leku kontzeptua lantzen du hainbat poematan, gainbehera eta maitasuna, poesiari eta hizkuntzari buruzko kezkak… Askotariko paisai eta giroak uztartzen doa, barnekoak zein kanpokoak, naturaren ingurukoak zein urbanoak. Hizkera hanpaturik gabe egiten du aurrera, leun baina zorrotz, argitasunez, eta, aldi berean, alde ilunen arrakalak bilatuz.